Non Alignment movement

Textbook Version:

Khawvel kha World War II hnu khan bloc 2 ah an in then a, US pawl leh USSR pawlah. A hnuaia map atang hi chuan Western Europe ram ten US lam an zawm nachhan leh NATO an form nachhan chu a hriat viau ang. A chhan chu Indopui in nasa takin an ram a tichhia a. An  bulah  lawk Germany a awm a, USSR a la awm bawk a. Hlauh nachhan tur tak an nei a ni.

Non Alignment movement hi textbook a a inziah dan hi chuan khawvel, camp 2 a then loh a, remna lam kawng zawh duh pawl ni ang in a in ziak a. Chutah chuan Nehru pawh nihna pawimawh tak chelh leh principle nghet tak neia kal ang chuan a in ziak a, mahse international politics ah hi chuan chapter 0 a sawi tawh ang khan thudik tak hriat hi a harsa fo a. Indian hi communist chu kan ni chiah lo nangin, Socialist kan in ti anih chuan extreme right wing socialism ani ngei ang. First International a Karl Marx a te leh Bakunin a te pawl inrem lohna kha class XI lamah kan zir tawh in ka ring a, kan la zir lo anih chuan mipui tam zawk in Russia a revolution a chhuah hma a, Socialism an duh nachhan em em  chu, intluk tlanna, a bik takin Bakunin a te ngaih dan ah chuan “workers control of production” an tih kha ani a. Tunlaia a Korea channel a kan hmuh ang company , CEO,  president etc etc te ang system ni lo in, Entirnan sihphir ah khian iskut chips factory awm ta se, Aizawl a tlema hausa deuh ta ni lo in, a iskut chingtute ta ani dawn a, anmahni in an run dawn tihna ani. India leh hemi chungchang ka sawi nachhan chu Socialist state ka ni kan tih hian, Nehru a te khan hemi socialist strand pahnih hi an hre ngei ang. Mahse, an thlan tak zawk chu Lenin leh Stalin a te system ang tho kha ania, chuvangin in India position hi tumah support lo chu an ni lo a, USSR lam an awn fe ani.

Non alignment movement a leader te 2- Nasser leh Sukarno te  chanchin erawh hi chu hriat reng tlak ani in ka hria. Sukarno hi Indonesia president hmasa ber ani a, Sipai general Suharto an military coup in a sorkar a paihthla a. Hemi hnu hian Suharto hian Non Alignment movement lam pawl ah chuan a awm ve leh tho a. Mahse hetih lai zawng hian, US lam support in East Timor a run a, mihring 1/3 velin nunna an chan ani. Hetih chhung zawng hian Non Alignment Movement pawl ah chuan a awm tho. Tin East Timor ram a run kha, NAM policy nen chuan a inmil vak lo ani.

Pahnihna Gamal Abdel Nasser hi Egypt president ani a, Egypt kha khang hunlai khan Indenpendent taka regional development kalpui tu awmchhun ani a, Hugo Chavez an Latin America a a hnathawh ang deuh kha Nasser hian Middle East ah a thawk ani. Amah hi radical deuh leh indochak em em ang deuh hian tarlan ani fo a, mahse US document declassified tawh ho a, a hunlai a US ho in an hlauh ber kha chu a military niloin, economic policy leh Political policy ah US aiin Middle East ah influence aneih nasat zawk an hlauh ani. A hunlaia US president Lyndon Johnson a lehkha a dawn declassified a phei chuan Egypt kha third world atang industrial country ah a hlang chho thei mai dawn in an hria a, khang te kha US hlauh em em chu ani. A chhan chu middle east oil an control na chance a ti hla dawn tlat. 1967 ah US puihna in Israel in Egypt chu an run a, an hneh ta a, Nasser a plan chu an tichhe ta a, hei hi Israel leh US in policy inzawm tanna ania , kum 14 vel kalta a Biakin thleng pawh a ‘6 day war’ ah tih thin: Pathian in arab ram zawng zawng lak atanga Israel a hum dan mak tak sermon kan ngaihthlak thin a Arab leader sual rapthlak kha Nassera hi ani. Kan sermon ngaihthlak te leh thutak chu lei leh van ang vela inhlat ani. Nasser a khan a tawp thleng in indo lohna kawng a dap a, a hlawhtling takngial dawna an hriat hnuah an run ta ani. Non Alignment policy a taka Middle East a kalpui tu awmchhun ani hial awm e, a chhan chu Egypt ta chauh a rilru a hmang lo a, Middle East region kha First World Country te mamawh reng lo a kal dan tur a ngaihtuah tel tlat ani. Hugo Chavez(L) pawh kha engvangin nge Western media ah ramhuai leh mi a ang deuh thaw a chhuah a nih fo? Venezuela chauh ni lo, South America pumpui, US tello a kal dan kawng a sual ve tlat alawm.

Cuban Missile Crisis

Textbook Version:

April 1961 ah USSR hruaitute chuan USA in Cuba a run mai an hlauh avangin leh Cuba chu an ally anih vangin 1962 ah Cuba ah nuclear missile an dah a. Chu chu US tan chuan thil hlauhawm tawp ani. A chhan chu Cuba hi US hnaih te a thliarkar ani a. Chuvangin Cuba a missile a awm chuan US khaw tam tak an target theih dawn avangin US chu a chet ve a ngai ta a. Chuan US President Kennedy an indopui a chhuah a hlauh rualin, USSR an duh duh a chet a phal bik loh avangin,  US indo lawng ten Cuba a lut tur USSR lawng apiang an dang ta a. Nasa taka an buai hnuin indo chu October 28 ah an thulh ta a, US leh USSR direct a an indo tep na case chu he cuban missile crisis an tih hi ani. Hemi chapter hming hi Cold War tih ani a. US leh USSR in World War II hnu a khawvel awp an in chuh na lama thil thleng hrang hrang te kha a tlangpui in Cold War chu ani deuh mai a.

Cuba a incident lo pawh hi hmun dangah a incident dang a thleng nual hlawm a. Mahse Cuba a thil thleng hi textbook chuan cover tam lo mahse, khawvel a hun hlauhawm lai ber ani awm e. Hemi kum chhunga a Kennedy a decision siam dan hi vawiin ni thleng hian upa lam deuh phei chuan an in  fak siak hi ani deuh ber mai a. Mahse khang hunlaia ExComm meeting tapes te kha declassified anih tawh avangin, he textbook a in ziak hi chu a accurate lemlo niin a lang.

Alternative Version:

Textbook ah hian 1961 a USSR ram hruaituten Cuba a missile dah an tum atang an tan a. Hei hi political science text tam tak ah chuan a awm dan ani a. USSR hi thiam lo zawk le che hmasa zawk ang lek lek in a ngaih theih a. Mahse hemi hma zawng hian Cuba ah hian US hian Dictator Batista an support a. Batista hi dictator dik tak angin a che tla a, a hausa lamah hlir a policy a awn a, America rama mafia pawl hrang hrang nen inzawmin, Havana ah sum tam tak a lalut a. The Godfather tih film a telephone rangkachak a siam an present a kha Batista chu ani. A telephone an present pawh kha thil thleng tak tak ani. Dictatorship duhloa hel pawlah Fidel Castro a te pawl an awm a, Batista chu an paih thla ta bawk a.

Fidel Castro a pawl te zinga leader pakhat hi Che Guevara ( T shirt a a hmel lang fo thin hi) kha ani. Fidel Castro a ten Batista an paihthlak hnu khan US in Castro a te paihthlak tumin Cuba an run a, Bay of pigs invasion ah US lam pawl ( Cuban mi tho america a awm ho) chu an chak lo a. Hei hian US a ti mualpho hle a, chutih rualin Cuba a Castro a te pawl chuan an ram him tawk lo viauin an hriat avangin leh an ram product te USSR chauhin a lei sak thei avangin USSR lam an awn ta a. Hemi hnu lawkah hian missile pawh kha dah ani ta ani. A tirin Castro a hian Socialist emaw Communist tih emaw public a, a thusawi ah a sawi ngai lo a. Bastista an paihthlak hnu pawn US dawr turin a kal a, chutah pawh Communist revolution tih lam emaw socialist tih lam emaw a la sawi mang lo. Mahse US milian ho a hma a Cuba a, an duh ang tawka sum an haihluh a phalsak tawk loh avanga US nen in hmu thiam lo ni berin a lang. Bay of Pigs a US in an ram an run hnu chauh khan Communist leh Socialist tih lam tawngkam a hmang tan chauh niin a lang.

Cuban Missile Crisis laiah khan Cuba ah Missile chu USSR in a dah ngei a, mahse hetih lai vek hian US hian Turkey ah Missile, nuclear warhead nei a dah ve tho a, USSR tan hlauhawm tak ani ve tho a, hei hi hriat tel ve tho tur ani. Chumai chu ala ni lo a, US hian hetih lai hian Okinawa, Japan ah, a khaw mi te duhloh em em, Missile a dah bawk a, China lam target thei turin. Hei pawh hi hriat ve tho tur ani. Cuba a USSR in missile dah vanga buai tih ringawt a kan hriat chuan a kim lo ang. US hian hmun 2 ah lai missile hi an dah ve tho ani.

October 28 ah US in Cuba run lo tura an intiam hnuah Missile te chu sut an ni a, mahse November 8 a thil thleng khan US policy maker te rilru chu a ti lang chiang khawp mai. Kar 1 a liam awrh tihna Cuba factory pakhat beih ani a, Cuba sorkar in UN Secretary General hnena lehkha an thawn ah chuan factory worker 400 velin hemi factory beih/bomb anih khan nunna an chan ani. Hemi hnu lawk hian US hian Operation hrang hrang Cuba sugar hralh theih loh  tura ruahmanna te leh Castro a thah dan tur thlengin an thawk zawm ngat ngat ani.

Hemi crisis ah hian thil chhinchhiah tlak tak leh hriatreng tlak pakhat a awm a. Chu chu US lawng ten USSR submarine an beih tumin , kha submarine khan nuclear torpedo an hmang hman tep a, lawng captain pakhat avang chauhin nuclear kha an hmang lo tih tun hnuah hriat ani a. Lo hmang ta hlauh se chuan nuclear war a chhuak mai dawn a, hemi blog chhiar theihna khawvel ah i chen lohna chance a sang viau ani. 1962 ah khan Khrushchev an Kennedy a remna a siampui thei hram a, mahse tunah , Nuclear Age a awm kan nih tawh avangin, Albert Einstein leh Bertrand Russell ten an thih hmaa duhthlan tur min hnuchhiah kha inzawh fo a tulin a lang:

” Here, then, is the problem we present to you, stark and dreadful and inescapable: Shall we put an end to the human race; or shall mankind renounce war?”

Humanities ah hian eng subject ah mah degree ka nei lo. Chuvangin ka thu rawn ziah tur tam zawk hi chu Humanities lama degree nei mithiam te ziah dan nen chuan a in mil hranpa in ka ringlo a. Mahse chutih rualin, in zirlai atana pawimawh lo thil ka ziak dawn tihna ani lo a, in zirlai a pawimawh ho chu ka ziah/sawifiah rualin a inziak tello, hriat ngei ngei ngai nia ka hriat te ka zep tel dawn ka tihna mai ani. A chhan chu thil hriat kim loh hi Humanities ah chuan thil hlauhawm ber- I damchhunga i outlook, principles, commitment leh values thlenga ti damlo thei nia ka hriat vang ani.

A hmasa in Humanities leh Science inan lohna lian ber nia ka hriat chu science ah chuan eng topic ah pawh true or false hi ani deuh tlangpui a ( arts nena compare chuan ). Mahse Humanities ah chuan hetiang anga, chiang faka sawi theih topic hi  a tam loh em avangin, Humanities subject reng reng hriatfiah ti harsa tu niin ka hria a, hrechiang tur chuan in chhiar fe a ngai thin. Chumi piah lamah political science (A bik takin International Politics) a, khawvela milar professor ho  leh Science lama mi hriat lar te tehkhhin hian thil mak deuh mai a awm a, chu chu Science a milar te lar chhan chu thil dik chiang taka prove thei, hmuchhuak thei etc an nih vang anih laiin, Political Science ah chuan a bias thei ang bera thuziak thiam leh mi influence thei apiang hi an lar duh khawp mai a. A bik takin anmahni ram foreign policy sawi mawi thiam apiang mai hi, American foreign policy chungchangah ngat phei hi chuan an lar emaw tih tur ani . Chutah chuan thil nuihzatthlak ang reng deuh mai chu Politician te hian, Mizoram ah ngei pawh ‘daw heh‘ tih an hlawh fo a, a dikna chin tam tak a awm laiin, International politics ah hi chuan politician te aiin political science lama mithiam te hi a let tam takin an daw heh zawk ani tih hi ka post tin atang ka show chho zel dawn a. Chuvangin Political Science i zir chho zel dawn anih chuan pakhatna a i hriat tur chu PR Specialist (daw heh) thuziak i chhiar fo dawn a, Critical taka thil chhiar zir a ngai a, an reference leh data an cite reng reng check ngei ngei thin tur ani. Chumi hnuah an data counter thei tu tur evidence tha zawk a awm em tih uluk taka en a,  an thuzia kha an thuziah aia pawimawh atanga attention divertna ani em tih te check vek a, chuta an thuziak kha a rintlak ngei tih i hriat hma chuan tu thuziak mah pawngpaw rin loh kha inzir hma a pawimawh hlein ka hria. 

A chunga ‘advice’ khi a cynical emaw sarcastic emaw viauin a lang mai thei a, mahse 20th Century ah khan political science a topic pawimawh tak pakhat chu Public relations chungchang hi ani. Walter Lippmann leh Edward Bernays te hunlai  kha chuan an la honest deuh a, Propaganda an ti mai a, Public relations an ti lem lo a, Second World War hnu kha chuan Propaganda tih word khan negative connotatation a neih tlat tak avangin mawi hnai takin Public Relations tih kan hmang ta a, mahse a function chu ala ngai reng a. Hemi awmzia chu politics arena ah chuan propaganda chi hrang hrang a leng reng dawn tihna ani a, TV a advertisement i en thin chuan model / filmstar / zaithiam/ lamthiam chi hrang hrang an thil advertise nena inzawmna pawh hriat harsa thin tak (a advertise tu te lo hriat loh phei chuan ) i  hmu fo ang. Khang zawng zawng te ai khan Obama’n Advertising age Marketer award of the year 2008 a dawn atang khan propaganda / public relations / advertising leh politics in zawm kual dan hi chiang zawka hriat a pawimawh hle a. Nike leh Apple Computers pawh advertisement a khum thak thei political campaign chuan engtiang takin nge mi an hneh?Obama khan 2008 election ah khan issue engkim deuh thaw ah rhetoric hlang hlak a hmang a, Middle East lama mi tam tak ten remna thlen turah an ngai fur a, Obama website en chuan a Middle East policy ah chutiang lam engmah a awm bawk si lo a. A website a muslim ram lang awmchhun ah lah chuan 2006 election a America in an support loh zawk party an tlin avangin US in mipui thlan tlin party rorel thei lo tura an remsiamna bill a support thu chiah a inziak a, remna lam chu a hlat hmel viau. Thutak leh rhetoric thliar hran thiam te, information source check chin te hi naupan lai atanga uluk deuha zir chi ani a , political science subject hi heng skills developna tha ber pakhat chu ani.

Propaganda , advertising te hi thil thar vak ni chuan a langlo a, Khawvel hmun hrang hranga hnam mawl kan tih mai, fei leh thal nen, thuamhnaw mumal pawh inbel lo a, vak vak ho ang chi te pawh khuan Puithiam an nei ve leh thin tlat mai a. Khung ho khu tunlai marketing executive te ai chuan marketing ah chuan an sang zawk lo maw a tih hial theih a, a chhan chu an tribe pumpui (an market hmuh phak chin) hnenah an product ( magic, voodoo etc ) an hralh thei tlat. Sociology perspective atang chuan society a an role play kha kan en hmasa ber maithei a, mahse kha priest khan a position kha mimal benefit a duh vanga a siamchawp ani em tih leh ama benefit atan a hman leh hman loh pawh hi ngaihtuah a pawimawh ve tho in a lang.

Khitiang khi mihring nihphung anih avangin, chapter tinah in textbook version (a tlangpuiin hei hi a international version a ni bawk) chiang taka ziah ani anga , mahse chutih rualin in textbook in a sawi opposite chiah ka ziak tel bawk anga, ka lakna  source te ka hman dan azirin ka dah tel bawk ang.

p.s. zaithiam in awm chuan in group hmingah PropaGandhi II lo in ti teh u